ലണ്ടന്: യൂറോപ്പിലെ മികച്ച യുവ താരത്തിനുള്ള ‘ഗോള്ഡന് ബോയ്’ പുരസ്കാരം റയല് മാഡ്രിഡിന്റെ ഇംഗ്ലണ്ട് മധ്യനിര താരം ജൂഡ് ബെല്ലിങ്ഹാമിന്. യൂറോപ്പിലെ 21 വയസില് താഴെയുള്ള ഏറ്റവും മികച്ച താരമായാണ് ഇംഗ്ലീഷ് മധ്യനിരതാരം തിരഞ്ഞെടുക്കപ്പെട്ടത്. ബയേണ് മ്യൂണിക്കിന്റെ ജര്മന് താരം ജമാല് മുസിയാല, മാഞ്ചസ്റ്റര് യുണൈറ്റഡിന്റെ ഡെന്മാര്ക് താരം റാസ്മസ് ഹോയ്ലന്ഡ്, ഇംഗ്ലണ്ടിന്റെ തന്നെ ചെല്സി താരം ലെവി കോള്വില് എന്നിവരെ പിന്നിലാക്കിയാണ് ബെല്ലിങ്ഹാം സുവര്ണ നേട്ടം സ്വന്തമാക്കിയത്.
Golden Boy 2023.
Beyond grateful, thank you to everyone who’s supported my journey until this point, can’t fully express my appreciation! pic.twitter.com/6F19Uflr7m— Jude Bellingham (@BellinghamJude) December 4, 2023
ഇതാദ്യമായാണ് ഒരു റയല് താരം ഈ നേട്ടത്തിലെത്തുന്നത്. ബൊറൂസിയ ഡോര്ട്മുണ്ടില് നിന്ന് ഈ സീസണിലാണ് ബെല്ലിങ്ഹാം റയലിലേക്ക് ചേക്കേറിയത്. സീസണില് ടീമിനായി മിന്നും ഫോമിലാണ് ബെല്ലിങ്ഹാം കളിക്കുന്നത്. റയലിനായി 17 മത്സരങ്ങള് കളിച്ച ബെല്ലിങ്ഹാം ഇതുവരെ 15 ഗോളുകള് നേടിക്കഴിഞ്ഞു. മുമ്പ് ബലോന് ദ് ഓര് പുരസ്കാര ചടങ്ങില് വച്ച് 21 വയസില് താഴെയുള്ള ലോകത്തിലെ ഏറ്റവും മികച്ച യുവ താരത്തിനുള്ള കോപ്പ ട്രോഫിയും ബെല്ലിങ്ഹാം സ്വന്തമാക്കിയിരുന്നു.
പുരസ്കാരം രാജ്യത്തിനും റയല് മാഡ്രിഡിനും സമര്പ്പിക്കുന്നതായി ബെല്ലിങ്ഹാം പ്രതികരിച്ചു. റയലിനും ഇംഗ്ലണ്ടിനുമായി കളിക്കുന്നത് ആസ്വദിക്കുന്നു. കരിയറില് ഒരുപാട് നേട്ടങ്ങള് ആ?ഗ്രഹിക്കുന്നു. സാധ്യമാകുന്നതെല്ലാം നേടുമെന്നും ബെല്ലിങ്ഹാം വ്യക്തമാക്കി.