കണ്ണൂര്: കള്ളവോട്ട് തെളിഞ്ഞ കണ്ണൂരിലെ നാലും കാസര്ഗോട്ടെ മൂന്ന് ബൂത്തുകളിലും നാളെ റീപോളിംഗ്. കണ്ണൂര്, കാസര്ഗോഡ് മണ്ഡലങ്ങളിലെ ഏഴ് ബൂത്തുകളില് ഇന്ന് നിശബ്ദ പ്രചാരണം നടക്കും. പ്രത്യേക നിരീക്ഷകരുടെ സാന്നിധ്യത്തില് കനത്ത സുരക്ഷയിലായിരിക്കും റീ പോളിംഗ്.
കാസര്ഗോട്ടെ യുഡിഎഫ് സ്ഥാനാര്ത്ഥി രാജ്മോഹന് ഉണ്ണിത്താന് ചീമേനിയിലെത്തി വോട്ടര്മാരെ കാണും. മുംബൈയിലായിരുന്ന എല്ഡിഎഫ് സ്ഥാനാര്ത്ഥി സതീഷ് ചന്ദ്രന് ഇന്ന് എല്ലാ ബൂത്തുകളിലും എത്തും. ചികിത്സയിലുള്ള കണ്ണൂര് യുഡിഎഫ് സ്ഥാനാര്ത്ഥി കെ സുധാകരന് പ്രചാരണത്തിന് ഇറങ്ങില്ല.