ബെംഗളുരു: കൊച്ചിയിലെ ബ്യൂട്ടിപാര്ലര് വെടിവെപ്പുകേസില് വഴിത്തിരിവ്. നടി ലീനാ മരിയ പോളിനെതിരെ ക്വട്ടേഷന് കൊടുത്തിരുന്നതായി പ്രതിചേര്ക്കപ്പെട്ട രവി പൂജാരി സമ്മതിച്ചു. ക്രൈംബ്രാഞ്ച് മേധാവി ടോമിന് തച്ചങ്കരിയുടെ ചോദ്യം ചെയ്യലിലാണ് ഇയാള് കുറ്റം സമ്മതിച്ചത്.
ലീനയില് നിന്ന് പണം തട്ടുന്നതിന് വേണ്ടിയാണ് ഭീഷണിപ്പെടുത്തിയതെന്ന് പൂജാരി പറഞ്ഞു. രവി പൂജാരിയെ കേരളത്തിലേക്ക് കസ്റ്റഡിയില് വാങ്ങാനുള്ള നീക്കത്തിലാണ് ക്രൈംബ്രാഞ്ച്.നിലവില് കര്ണാടക പോലീസിന്റെ കസ്റ്റഡിയിലാണ് രവി പൂജാരി.
കഴിഞ്ഞ ദിവസമാണ് സെനഗലില് നിന്ന് പൂജാരിയെ ബെംഗളുവില് എത്തിച്ചത്. അപ്രതീക്ഷിതമായി പൂജാരി ഇന്ത്യന് അന്വേഷണ ഏജന്സിയുടെ പിടിയിലാവുകയായിരുന്നു.