മകള്‍ കുഞ്ഞിന് ജന്മം നല്‍കി; 44-ാം വയസ്സില്‍ മുത്തശ്ശിയായി

44-ാം വയസ്സില്‍ മുത്തശ്ശിയായതിന്റെ സന്തോഷം പങ്കുവെച്ച് നടി രവീണ ടണ്ടന്‍. ഇന്‍സ്റ്റാഗ്രാമിലൂടെയാണ് താരം തന്റെ സന്തോഷം പങ്കുവെച്ചത്. തന്റെ മകള്‍ ഛായ കുഞ്ഞിന് ജന്മം നല്‍കിയെന്നും കുഞ്ഞതിഥി വീട്ടില്‍ എത്തിയെന്നും രവീണ ഇന്‍സ്റ്റഗ്രാമില്‍ കുറിച്ചു.

രവീണയുടെ ദത്തു പുത്രിയാണ് ഛായാ. തന്റെ 21-ാം വയസ്സിലാണ് രവീണ 11 വയസ്സുള്ള ഛായയെ ദത്തെടുത്തത്. പൂജ എന്ന എട്ടുവയസ്സുള്ള പെണ്‍കുട്ടിയെയും രവീണ ഛായക്കൊപ്പം ദത്തെടുത്തിരുന്നു. 2003 ലാണ് രവീണ വിവാഹിതയാകുന്നത്. സിനിമ നിര്‍മാതാവായ അനില്‍ തടാനിയാണ് രവീണയുടെ ഭര്‍ത്താവ്. രാഷ, രണ്‍ബീര്‍ വര്‍ധന്‍ എന്നിവരാണ് ഇവരുടെ മക്കള്‍.

Top