ചെന്നൈ: കുമ്പളങ്ങി നൈറ്റ്‌സിലെ ‘കവര് പൂത്തുകിടക്കുന്ന’ പ്രതിഭാസം ഏറെ ശ്രദ്ധനേടിയ ഒന്നാണ്. ഒരു രാത്രി ബോണി (ശ്രീനാഥ് ഭാസി) കൂട്ടുകാരിയെയും കൂട്ടി വള്ളത്തില്‍ പോകുന്ന രംഗം കണ്ടതോടെ അത് എന്ത് പ്രതിഭാസമാണെന്നും സോഷ്യല്‍ മീഡിയ ചര്‍ച്ച ചെയ്തിട്ടുണ്ട്. ഇപ്പോഴിതാ ആളുകള്‍ക്ക് കൗതുക കാഴ്ചയായി ചെന്നൈയിലെ ഈസ്റ്റ് കോസ്റ്റ് റോഡിലെ ബീച്ചുകള്‍ കവരടിച്ചു. ഇന്നലെ രാത്രിയിലാണ് സംഭവം. ബയോലൂമിനസെന്‍സ് പ്രതിഭാസമാണ് ചെന്നൈയിലെ ബീച്ചുകളിലെത്തിയവര്‍ക്ക് കൗതുകമായത്.
Seekiram po and enjamaai
— Sundar G (@SunOfGan) August 18, 2019
തിളങ്ങുന്ന കടലെന്ന കുറിപ്പോടെ വളരെപ്പെട്ടന്ന് സമൂഹമാധ്യമങ്ങളില്‍ പടര്‍ന്നതോടെ നിരവധിയാളുകളാണ് ബീച്ചുകളിലേക്ക് എത്തിയത്. ബാക്ടീരിയ, ആല്‍ഗ, ഫംഗസ് പോലുള്ള സൂക്ഷ്മ ജീവികള്‍ പ്രകാശം പുറത്തുവിടുന്ന പ്രതിഭാസമാണ് ബയോലൂമിനസെന്‍സ്.
കടലും കായലും കൂടിച്ചേരുന്ന മേഖലകളിലാണ് സാധാരണയായി ഈ പ്രതിഭാസം കാണാറുളളത്. ചിലയിനം ജെല്ലി ഫിഷുകള്‍, ചില മണ്ണിരകള്‍, കടല്‍ത്തട്ടില്‍ കാണുന്ന ചില മത്സ്യങ്ങള്‍ എന്നിവക്കും ഈ കഴിവുണ്ട്. ഇണയേയും ഇരയേയും ആകര്‍ഷിക്കാനും ശത്രുക്കളില്‍ നിന്നു രക്ഷപ്പെടാനുമൊക്കെ സൂക്ഷ്മ ജീവികള്‍ ഈ വെളിച്ചം ഉപയോഗപ്പെടുത്താറുണ്ടെന്ന് ഗവേഷകര്‍ പറയുന്നു.
When I was moving to this beautiful city 4 years ago, the only promise I made to myself was that I would always live by the beach.
Tonight was the best validation I could have received for this choice ❤️ pic.twitter.com/S4H1PDxqvZ— MadMax (@TapiocaChip) August 18, 2019
എന്നാല്‍ കാഴ്ച മനോഹരമാണെങ്കിലും ആഘോഷിക്കാനുള്ള കാരണമല്ല ഇതെന്ന് കോസ്റ്റര്‍ റിസോഴ്‌സ് സെന്ററില്‍ പ്രവര്‍ത്തിക്കുന്ന പൂജ കുമാര്‍ പറയുന്നു. സമുദ്രത്തിലെ ഓക്‌സിജന്‍ കുറയുന്നതിന്റെ സൂചനയാണ് കൂടിയാണ് ഈ പ്രതിഭാസം നല്‍കുന്നത്.
