ചാലക്കുടി: ബസിൽ വിദ്യാർഥിനിയെ പീഡിപ്പിക്കാൻ ശ്രമിച്ച സംഭവത്തിൽ കേരള കാർഷിക സർവകലാശാല ഗവേഷണകേന്ദ്രം മേധാവി അറസ്റ്റിൽ.
ചാലക്കുടിയിലെ ഗവേഷണകേന്ദ്രം മേധാവിയും കൊടകര മറ്റത്തൂർകുന്ന് ഇടത്തൂട്ട് സ്വദേശിയുമായ പ്രഫ. ഇ. ശ്രീനിവാസൻ(59) ആണ് അറസ്റ്റിലായത്.
ഇരിങ്ങാലക്കുടയിൽനിന്നു ചാലക്കുടിയിലേക്കുള്ള സ്വകാര്യബസിൽ യാത്ര ചെയ്യുന്നതിനിടെ ഐടിഐ വിദ്യാർഥിനിയായ പതിനാറുകാരിയെയാണ് അധ്യാപകൻ പീഡിപ്പിക്കാൻ ശ്രമിച്ചത്. വിദ്യാർഥിനി പരാതിപ്പെട്ടതനുസരിച്ചാണു നടപടി.
ഏഴുവർഷം മുന്പു കാർഷിക സർവകലാശാലയിലെ ജീവനക്കാരിയെ പീഡിപ്പിച്ചെന്ന പരാതിയെത്തുടർന്ന് ഇയാളെ സസ്പെൻഡ് ചെയ്തിരുന്നു. പിന്നീട് പരാതി ഒതുക്കിത്തീർത്തു സർവീസിൽ തിരിച്ചെത്തുകയായിരുന്നു.