കോഴിക്കോട്:കോഴിക്കോട് ഉള്ള്യേരി മലബാര്‍ മെഡിക്കല്‍ കോളേജ് ആശുപത്രിയില്‍ കോവിഡ് രോഗിയെ പീഡിപ്പിക്കാന്‍ ശ്രമിച്ച സംഭവത്തില്‍ ആശുപത്രി ജീവനക്കാരനെതിരെ നടപടി സ്വീകരിച്ചു. ഇയാളെ ജോലിയില്‍ നിന്നും സസ്പെന്‍ഡ് ചെയ്തു. ആശുപത്രിയിലെ സെക്യൂരി ജീവനക്കാരനെതിരെയാണ് യുവതി പരാതി നൽകിയത്.
അതേസമയം, ഇയാള്‍ മൊബൈല്‍ ഫോണില്‍ മെസേജ് അയച്ച്‌ ശല്യപ്പെടുത്തിയത് ആശുപത്രി അധികൃതരെ അറിയിച്ചിട്ടും നടപടി സ്വീകരിച്ചില്ലെന്നും പരാതിക്കാരി കുറ്റപ്പെടുത്തി. ഞായറാഴ്ച രാത്രി പതിനൊന്നരയ്ക്കാണ് സംഭവം. ഡോക്ടറെ കാണാനെന്ന് പറഞ്ഞ് യുവതിയെ ആളൊഴിഞ്ഞ സ്ഥലത്തേക്ക് കൊണ്ടുപോയി ഉപദ്രവിക്കാന്‍ ശ്രമിക്കുകയായിരുന്നു. യുവതിയുടെ മൊഴി പൊലീസ് ഇന്ന് രേഖപ്പെടുത്തും.
