ചെന്നൈ : നടൻ രജനികാന്തിന്റെ രാഷ്ട്രീയ പ്രവേശനത്തെ വിമർശിച്ച് നടി രഞ്ജിനി രംഗത്ത്. വ്യക്തിജീവിതത്തിൽ രജനികാന്ത് നല്ല മനുഷ്യനാണ്. സ്ക്രീനിൽ സൂപ്പർ സ്റ്റാറുമാണ് എന്നാൽ യാതൊരു രാഷ്ട്രീയപ്രവർത്തന പരിചയവുമില്ലാത്ത ഒരു വ്യക്തി എങ്ങനെ ഒരു സംസ്ഥാനം ഭരിക്കുമെന്ന് നടി ചോദിച്ചു. സിനിമയിൽ കാണുന്ന രാഷ്ട്രീയമല്ല യഥാർത്ഥത്തിലുള്ളത്. വ്യത്യസ്തമാണ്. സ്ക്രീൻ വിട്ടിട്ട് അദ്ദേഹം ഒന്നും ചെയ്തിട്ടില്ല.
ആര് വോട്ട് ചെയ്യും. എംജിആർ കാലത്തെ രാഷ്ട്രീയമല്ല ഇന്ന്. എന്നാൽ ഇന്ന് ടെക്നോളജിയുടെ ലോകമാണ്. ഒരു രാഷ്ടീയക്കാരന് വേണ്ടത് തീരുമാനങ്ങൾ എടുക്കാനുള്ള കഴിവാണ്. രജനികാന്ത് എന്താണ് ചെയ്തത് എന്നും രഞ്ജിനി ചോദിച്ചു.ഒരു സ്വകാര്യ ചാനലിന് നൽകിയ അഭിമുഖത്തിലായിരുന്നു നടിയുടെ പ്രസ്താവന.