കൊല്ക്കത്ത: രഞ്ജി ട്രോഫിയില് പശ്ചിമ ബംഗാളിനെതിരെ കേരളത്തിന് നിര്ണായക ഒന്നാം ഇന്നിംഗ്സ് ലീഡ്. അര്ധസെഞ്ചുറിയുമായി പൊരുതുന്ന ജലജ് സക്സേനയുടെ മികവിലാണ് രണ്ടാം ദിനം കേരളം ബംഗാളിന്റെ ഒന്നാം ഇന്നിംഗ്സ് സ്കോറായ 147 റണ്സ് മറികടന്നത്. രണ്ടാം ദിനം ഉച്ചഭക്ഷണത്തിന് പിരിയുമ്പോള് കേരളം അഞ്ച് വിക്കറ്റ് നഷ്ടത്തില് 148 റണ്സെന്ന നിലയിലാണ്. 71 റണ്സുമായി ജലജ് സക്സേനയും 17 റണ്സുമായി വി എ ജഗദീഷും ക്രീസില്.
35/1 എന്ന സ്കോറില് രണ്ടാം ദിനം ക്രീസിലിറങ്ങിയ കേരളത്തിന് സ്കോര് 53ല് എത്തിയപ്പോള് രോഹന് പ്രേമിനെ(18) നഷ്ടമായി. തൊട്ടുപിന്നാലെ എട്ടു പന്തുകള് നേരിട്ട് പൂജ്യനായി സഞ്ജുവും മടങ്ങി.
അഞ്ച് റണ്സെടുത്ത സല്മാന് നിസാറും വീണതോടെ കേരളം 114/5 ലേക്ക് കൂപ്പുകുത്തിയെങ്കിലും സക്സേനയുടെ പോരാട്ടവീര്യം കേരളത്തിന് ലീഡ് സമ്മാനിച്ചു. 15 ഓവറില് 55 റണ്സ് വഴങ്ങി ഷമി മൂന്ന് വിക്കറ്റെടുത്തു.