ലക്നൗ: അയോധ്യയില് രാമക്ഷേത്ര നിര്മാണത്തിന് തുടക്കം കുറിച്ച് പ്രധാനമന്ത്രി നരേന്ദ്രമോദി. ഉച്ചയ്ക്ക് 12.30ന് ആരംഭിച്ച പൂജകള്ക്കുശേഷം പ്രധാനമന്ത്രി നരേന്ദ്ര മോദി 40 കിലോഗ്രാം തൂക്കമുള്ള വെള്ളിശില പാകി. നേരത്തേ മോദി ക്ഷേത്രഭൂമിയില് പാരിജാതത്തൈ നട്ടു.
ന്യൂഡല്ഹിയില്നിന്ന് പ്രത്യേക വിമാനത്തിലാണ് മോദി ലക്നൗവില് എത്തിയത്. ഇവിടെനിന്ന് പ്രത്യേക ഹെലിക്കോപ്റ്ററില് അയോധ്യയിലെ സകേത് കോളേജ് ഹെലിപ്പാഡില് വന്നിറങ്ങി. യുപി മുഖ്യമന്ത്രി യോഗി ആദിത്യനാഥ് പ്രധാനമന്ത്രിയെ സ്വീകരിച്ചു. തുടര്ന്ന് പൂര്ണ സുരക്ഷാ സന്നാഹത്തോടെ ഹനുമാന് ഗഡി ക്ഷേത്രത്തിലും രാം ലല്ല വിഗ്രഹമുള്ള താല്ക്കാലിക ക്ഷേത്രത്തിലും ദര്ശനം നടത്തി.
യുപി ഗവര്ണര് ആനന്ദി ബെന് പട്ടേല്, മുന് കേന്ദ്രമന്ത്രിയും ബിജെപി നേതാവുമായ ഉമാ ഭാരതി, ആര്എസ്എസ് മേധാവി മോഹന് ഭാഗവത് ഉള്പ്പടെയുള്ള പ്രമുഖര് ചടങ്ങില് പങ്കെടുത്തു.