കൊച്ചി: മരടിലെ ഫ്ളാറ്റുകള് പൊളിക്കുന്ന കാര്യത്തില് സംസ്ഥാനസര്ക്കാര് ഇരയ്ക്കൊപ്പമാണോ വേട്ടക്കാരനൊപ്പമാണോ എന്ന് വ്യക്തമാക്കേണ്ടതാണെന്ന് പ്രതിപക്ഷ നേതാവ് രമേശ് ചെന്നിത്തല.
സര്ക്കാര് നിലപാട് പുന:പരിശോധിക്കണമെന്നും ഇരകള്ക്കൊപ്പം നില്ക്കുകയാണ് വേണ്ടതെന്നും ചെന്നിത്തല പറഞ്ഞു.
സബ് കമ്മിറ്റി റിപ്പോര്ട്ട് സര്ക്കാര് ഉടനെ പിന്വലിക്കണം. റിപ്പോര്ട്ട് തെറ്റിയെന്ന് സംസ്ഥാന സര്ക്കാര് സുപ്രീംകോടതിയെ അറിയിക്കണം. ചീഫ് സെക്രട്ടറിയെക്കൊണ്ട് സത്യവാങ്മൂലം നല്കുകയല്ല വേണ്ടത്. താമസക്കാരുടെ അഭിപ്രായം കൂടി കേട്ടശേഷം പുതിയ റിപ്പോര്ട്ട് സമര്പ്പിക്കണം, ചെന്നിത്തല വ്യക്തമാക്കി.