കര്‍ഷകരുടെ സമരം അവസാനിപ്പിക്കാന്‍ നടപടി സ്വീകരിക്കണമെന്ന് രാകേഷ് ടികായത്ത്

ന്യൂഡല്‍ഹി: കര്‍ഷകര്‍ നടത്തിവരുന്ന സമരം അവസാനിപ്പിക്കാന്‍ നടപടികള്‍ സ്വീകരിക്കണമെന്ന് കര്‍ഷക സമര നേതാവ് രാകേഷ് ടികായത്. ഒന്നുകില്‍ സംസാരം കൊണ്ട് അവസാനിപ്പിക്കുക, അല്ലെങ്കില്‍ വെടിയുണ്ടകള്‍ കൊണ്ട് അവസാനിപ്പിക്കുക’ അദ്ദേഹം പറഞ്ഞു.

കാര്‍ഷിക നിയമങ്ങളെക്കുറിച്ചും കര്‍ഷകരുടെ പ്രശ്നങ്ങളെക്കുറച്ചും കേന്ദ്രസര്‍ക്കാരുമായി ചര്‍ച്ച ചെയ്യാന്‍ ഞങ്ങള്‍ ഇപ്പോഴും തയ്യാറാണ്. പക്ഷെ മുന്‍കൂര്‍ നിബന്ധനകളില്ലാതെയാണ് ചര്‍ച്ചയെന്ന് സര്‍ക്കാര്‍ ഉറപ്പ് തരണമെന്നും അദ്ദേഹം പറഞ്ഞു.

കര്‍ഷക സമരം അവസാനിപ്പിക്കണമെന്ന് കഴിഞ്ഞ ദിവസം കേന്ദ്ര കൃഷിമന്ത്രി കര്‍ഷകരോട് ആവശ്യപ്പെട്ടതിന് പിന്നാലെയാണ് രാകേഷ് ടികായത്തിന്റെ പ്രതികരണം.

 

Top