തിരുവനന്തപുരം: ചക്രവാതചുഴിയുടെ സ്വാധീനത്തിന്റെ ഫലമായി കേരളത്തില് മഴ അതിശക്തമായി. തമിഴ് നാടിന് മുകളില് കേരളത്തിന് സമീപമായി സ്ഥിതി ചെയ്യുന്ന ചക്രവാത ചുഴിയുടെ സ്വാധീന ഫലമായി കേരളത്തില് അടുത്ത 5 ദിവസം ഇടി മിന്നലോടു കൂടിയ മഴയ്ക്ക് സാധ്യതയുണ്ടെന്നാണ് കാലാവസ്ഥാ വിഭാഗം മുന്നറിയിപ്പ്. കേരളത്തില് ഇന്നും നാളെയും (നവംബര് 23 -24) ഒറ്റപ്പെട്ടയിടങ്ങളില് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
അതേ സമയം, ബംഗാള് ഉള്ക്കടലില് ഒരു ന്യുന മര്ദ്ദം രൂപപ്പെടാന് സാധ്യതയുണ്ടെന്നും കാലാവസ്ഥാ വിഭാഗം മുന്നറിയിപ്പ് നല്കി. നവംബര് 25 ഓടെ തെക്കന് ആന്ഡമാന് കടലിന് മുകളില് രൂപപ്പെടുന്ന ചക്രവാതചുഴി നവംബര് 26 ഓടെ ന്യൂന മര്ദ്ദമായി ശക്തി പ്രാപിക്കാനാണ് സാധ്യത. തുടര്ന്ന് പടിഞ്ഞാറ് വടക്ക് പടിഞ്ഞാറ് ദിശയില് സഞ്ചരിച്ച് നവംബര് 27 ഓടെ തെക്ക് കിഴക്കന് ബംഗാള് ഉള്ക്കടലിനും ആന്ഡമാന് കടലിനും മുകളില് തീവ്ര ന്യുന മര്ദ്ദമായി ശക്തി പ്രാപിച്ചേക്കുമെന്നാണ് മുന്നറിയിപ്പ്.