700 ഓളം ട്രെയിനുകള്‍ ഇനി തത്സമയം നിരീക്ഷിക്കാം. ഇന്ത്യന്‍ ബഹിരാകാശ ഗവേഷണ സംഘടന (ഇസ്റോ) രൂപകല്‍പന ചെയ്ത കണ്‍ട്രോള്‍ ഓഫീസ് ആപ്ലിക്കേഷന്‍ (സിഎഎ) സിസ്റ്റം ജിപിഎസ് (ഗ്ലോബല്‍ പൊസിഷനിംഗ് സിസ്റ്റം) ഘടിപ്പിച്ച 700 ഓളം ട്രെയിനുകളുടെ തത്സമയ നിരീക്ഷണമാണ് ആരംഭിച്ചത്. ട്രാക്കുചെയ്യുന്നത് എളുപ്പമാക്കുകയും അവയുടെ ചലനത്തെക്കുറിച്ച് കണ്‍ട്രോള്‍ റൂമിന് യാന്ത്രികമായി ഫീഡ് നല്‍കുകയും ചെയ്യുന്നതാണ് ഈ സിസ്റ്റം.
രണ്ട് സ്റ്റേഷനുകള്‍ക്കിടയിലും ട്രെയിനുകളുടെ ചലനം ട്രാക്കുചെയ്യാന്‍ ഈ സംവിധാനം സഹായിക്കും. പാസഞ്ചര്‍, ചരക്ക് ട്രെയിനുകളുടെ നിരീക്ഷണത്തിനായി ഇന്ത്യന്‍ റെയില്‍വേ ഇസ്റോയുമായി സഹകരിച്ചതിന് ശേഷമാണ് സിഒഎ സംവിധാനം രൂപകല്‍പന ചെയ്തത്. പാസഞ്ചര്‍ ട്രെയിനുകളുടെ തത്സമയ നിരീക്ഷണത്തിന് ഇത് സഹായിക്കും. മാത്രമല്ല ചരക്ക് ട്രെയിനുകളില്‍ എത്തിക്കുന്ന കല്‍ക്കരി, എണ്ണ, മറ്റ് വസ്തുക്കള്‍ എന്നിവ മോഷ്ടിക്കുന്നത് ഒഴിവാക്കാന്‍ റെയില്‍വേയെ സഹായിക്കും.
