ന്യൂഡല്ഹി: ഐഎന്എക്സ് മീഡിയ കേസില് തിഹാര് ജയിലില് കഴിയുന്ന പി. ചിദംബരത്തെ ഇന്ന് കോണ്ഗ്രസ് നേതാവ് രാഹുല് ഗാന്ധിയും പ്രിയങ്കാ ഗാന്ധിയും സന്ദര്ശിച്ചു. കോണ്ഗ്രസ് അധ്യക്ഷ സോണിയ ഗാന്ധിയും മുന് പ്രധാനമന്ത്രി മന്മോഹന് സിംഗ് എന്നിവരും ചിദംബരത്തെ സന്ദര്ശിച്ചിരുന്നു. ജയിലില് ഇരുവരും ചിദംബരവുമായി ചര്ച്ച നടത്തി.
ഐഎന്എക്സ് മീഡിയ കേസില് പ്രതിയായ ചിദംബരത്തിന്റെ ജാമ്യാപേക്ഷ ഡല്ഹി ഹൈക്കോടതി തള്ളിയിരുന്നു.ഡല്ഹി ഹൈക്കോടതിയുടെ വിധിയെ ചോദ്യം ചെയ്ത് ചിദംബരം സുപ്രീം കോടതിയെ സമീപിച്ചു. സുപ്രീം കോടതി ഇന്ന് കേസ് പരിഗണിക്കുമെന്നാണ് സൂചന.
ഓഗസ്റ്റ് 21നാണ് ചിദംബരത്തെ സിബിഐ അറസ്റ്റ് ചെയ്തത്. ഒന്നാം യുപിഎ സര്ക്കാരില് ധനമന്ത്രിയായിരിക്കെ ഐഎന്എക്സ് മീഡിയ എന്ന കമ്പനിക്ക് വിദേശ ഫണ്ട് ലഭിക്കാന് വിദേശ നിക്ഷേപ പ്രോത്സാഹന ബോര്ഡിന്റെ അനുമതി ലഭ്യമാക്കുന്നതിന് അനധികൃതമായി പി ചിദംബരം ഇടപെട്ടെന്നാണ് കേസ്.