ഡല്‍ഹി: യുക്രൈന്‍ രക്ഷാദൗത്യത്തിന്റെ വിശദവിവരം പുറത്ത് വിടണമെന്ന് കേന്ദ്ര സര്‍ക്കാരിനോട് ആവശ്യപ്പെട്ട് കോണ്‍ഗ്രസ് നേതാവ് രാഹുല്‍ഗാന്ധി രംഗത്ത്. കൂടുതല്‍ ദുരന്തം ഒഴിവാക്കാന്‍ സര്‍ക്കാര്‍ വിവരങ്ങള്‍ പുറത്ത് വിടണം.
എത്രപേര്‍ യുക്രൈനില്‍ കുടുങ്ങി കിടക്കുന്നുവെന്നും എത്ര വിദ്യാര്‍ത്ഥികളെ രക്ഷപ്പെടുത്തിയെന്നുമുള്ള കാര്യങ്ങള്‍ രാജ്യത്തെ ജനങ്ങളുമായി പങ്കുവെക്കണം. മേഖലകള്‍ തിരിച്ചുള്ള രക്ഷാദൗത്യ പദ്ധതി ഉണ്ടാക്കണണമെന്നും രാഹുല്‍ഗാന്ധി ആവശ്യപ്പെട്ടു.
അതേസമയം യുക്രൈനില്‍ കുടുങ്ങിയ ഇന്ത്യക്കാരെ രക്ഷിക്കാനുള്ള രക്ഷാദൗത്യമായ ഓപ്പറേഷന്‍ ഗംഗ അതിവേഗം പുരോഗമിക്കുകയാണെന്ന് കേന്ദ്രം അറിയിച്ചു. ഇന്നലെ രാവിലെ മുതല്‍ ഇന്ന് രാവിലെ വരെയുള്ള 24 മണിക്കൂറില്‍ 1377 ഇന്ത്യക്കാരെ യുക്രൈനില്‍ നിന്നും പുറത്ത് എത്തിച്ചതായി വിദേശകാര്യമന്ത്രി എസ്.ജയശങ്കര്‍ പറഞ്ഞു
