ഇടുക്കി: കോണ്ഗ്രസ് നേതാവ് രാഹുല് ഗാന്ധിക്ക് രാജ്യത്ത് സംഭവിക്കുന്ന കാര്യങ്ങളെക്കുറിച്ച് വ്യക്തതയില്ലെന്ന് സിപിഐ ജനറല് സെക്രട്ടറി ഡി രാജ. എല്ഡിഎഫ് സര്ക്കാരിനെതിരെ ഇറങ്ങി പ്രവര്ത്തിക്കുന്നത് കേരളത്തില് ബിജെപിയെ വളര്ത്താനെ ഉപകരിക്കൂവെന്ന് അദ്ദേഹം വിമര്ശിച്ചു.
ശബരിമല വിഷയത്തിലൂടെ മതത്തെ രാഷ്ട്രീയവുമായി കൂട്ടിക്കെട്ടുകയാണ് യുഡിഎഫും ബിജെപിയും ചെയ്യുന്നത്. വിഷയത്തില് യുഡിഎഫും ബിജെപിയും സ്വീകരിച്ച നിലപാട് തെറ്റാണെന്നും ഡി രാജ വിമര്ശിച്ചു.
അഞ്ച് സംസ്ഥാനങ്ങളില് നടക്കുന്ന തെരഞ്ഞെടുപ്പ് മോദിയുടെ ഫാസിസ്റ്റ് സര്ക്കാരിന്റെയും ഭാവി ഇന്ത്യയുടെയും വിധി നിര്ണ്ണയിക്കുന്നതുമാണെന്ന് ഡി രാജ പറഞ്ഞു. കേരളത്തിലും ദേശീയ തലത്തിലും ഇടുതുപക്ഷം വലിയ പ്രകടനം കാഴ്ചവെയ്ക്കുമെന്നും അദ്ദേഹം കൂട്ടിച്ചേര്ത്തു.