ആലപ്പുഴ: ജയില്‍ ഡി.ജി.പി ശ്രീലേഖക്ക് വാഹനാപകടത്തില്‍ പരുക്ക്.
തിരുവനന്തപുരത്ത് നിന്നും എറണാകുളത്തേക്ക് പോകുകയായിരുന്ന ശ്രീലേഖ സഞ്ചരിച്ച വാഹനത്തില്‍ ഗുഡ്‌സ് ഓട്ടോ ഇടിക്കുകയായിരുന്നു.
അപകടത്തില്‍ ശ്രീലേഖയുടെ വലത് കാലിനാണ് പരിക്കേറ്റത്.
തുടര്‍ന്ന് ശ്രീലേഖയെ മറ്റൊരു വാഹനത്തില്‍ എറണാകുളത്തേക്ക് പൊലീസ് അയച്ചു.
എന്നാല്‍ ഡി.ജി.പിയുടെ വാഹനത്തിലിടിച്ച ഗുഡ്‌സ് ഓട്ടോ ഇതുവരെ പൊലീസിന് കണ്ടെത്താന്‍ കഴിഞ്ഞിട്ടില്ല.
നാഷണല്‍ ഹൈവേയിലെ സി.സി.ടി.വി ദൃശ്യങ്ങള്‍ പരിശോധിച്ച് വരുന്ന പൊലീസിന് വാഹനം ഇതുവരെ കണ്ടെത്താന്‍ പറ്റാത്തത് നാണക്കേടായി മാറിയിട്ടുണ്ട്.
ഡി.ജി.പിയുടെ വാഹനത്തിലിടിച്ച വാഹനം കണ്ടെത്താന്‍ പറ്റാത്തവര്‍ ക്രൈം നടത്തുന്ന മറ്റ് വാഹനങ്ങള്‍ എങ്ങനെ കണ്ടെത്തുമെന്ന ചോദ്യം പരിസരവാസികളില്‍ നിന്നും ഇതിനകം തന്നെ ഉയര്‍ന്നു കഴിഞ്ഞു.
