തിരുവനന്തപുരം: കേരളത്തില് കോളജുകള് തുറക്കാനുള്ള ക്രമീകരണം തുടങ്ങിയെന്ന് സംസ്ഥാന ഉന്നത വിദ്യാഭ്യാസ മന്ത്രി ഡോ.ആര്.ബിന്ദു. വാക്സിനേഷന് ക്രമീകരണത്തിന് സ്ഥാപന മേധാവികള്ക്ക് നിര്ദേശം നല്കി. ഒക്ടോബര് 18ന് മുഴുവന് ക്ലാസുകളും തുറക്കുന്ന കാര്യത്തിലെ തീരുമാനം പരിശോധിച്ച് മാത്രമേ എടുക്കൂ.
രണ്ടു ദിവസത്തിനകം യോഗം ചേര്ന്നു പുരോഗതി വിലയിരുത്തും. ഒക്ടോബര് 4-ന് അവസാന വര്ഷ വിദ്യാര്ത്ഥികള് ആദ്യം കോളജില് എത്തിയ ശേഷം പരിശോധിക്കും. കോളജുകളില് 90 ശതമാനം വിദ്യാര്ത്ഥികള്ക്കും വാക്സിനേഷന് പൂര്ത്തിയായെന്ന് മനസിലാക്കുന്നുവെന്നും മന്ത്രി പറഞ്ഞു.
വിദ്യാര്ത്ഥികള്ക്ക് വാക്സിനേഷന് കൃത്യമായി നല്കും. ഇതിനായി ആരോഗ്യവകുപ്പുമായി ചേര്ന്ന് വാക്സിന് ഡ്രൈവ് നടത്താന് തീരുമാനിച്ചിട്ടുണ്ട്. കോളജുകളില് അവസാന വര്ഷ വിദ്യാര്ത്ഥികള്ക്ക് ക്ലാസ് ആരംഭിച്ച ശേഷം മറ്റ് വിദ്യാര്ത്ഥികളുടെ ക്ലാസ്സിന്റെ കാര്യം പരിശോധിക്കുവെന്നും മന്ത്രി പറഞ്ഞു.