2022 ഖത്തര് ലോകകപ്പിന്റെ ഒരു വര്ഷ കൌണ്ട് ഡൌണ് ആരംഭിക്കാനിരിക്കെ ടൂര്ണമെന്റില് പങ്കെടുക്കുന്ന രാജ്യങ്ങളുടെ പതാക ഉയര്ത്താനുള്ള കൊടിമരങ്ങള് ദോഹയില് സ്ഥാപിച്ചു. നിലവില് യോഗ്യത നേടിയ അഞ്ച് ടീമുകളുടെ പതാകകള് കഴിഞ്ഞ ദിവസം ഉയർത്തി. ഫ്രാന്സ്, ബ്രസീല് ഉള്പ്പെടെ യോഗ്യത നേടിയ നാല് രാജ്യങ്ങളുടെ ഖത്തറിലെ അംബാസഡര്മാരാണ് പതാകകള് ഉയര്ത്തിയത്. ഡെന്മാർക്ക്, ജര്മ്മനി, ബെല്ജിയം, ബ്രസീല്, ഫ്രാന്സ്, ദോഹയിലേക്ക് ആദ്യം ടിക്കറ്റുറപ്പിച്ച അഞ്ച് ടീമുകള്. ഒപ്പം ആതിഥേയരായ ഖത്തറും. കായിക ലോകം കീഴടക്കാന് കച്ചമുറുക്കുന്നവരുടെ കൊടിയടയാളങ്ങള് ചുമലിലേറ്റി ദോഹ കോര്ണീഷ് ഒരുങ്ങിക്കഴിഞ്ഞിരിക്കുന്നു.
The Supreme Committee for Delivery and Legacy (SC) organized at Doha Corniche a festival to raise the flags of the teams that qualified for the FIFA World Cup Qatar 2022. #QNAhttps://t.co/jYRkgK0VKW pic.twitter.com/dJ4RIkhDz6
— Qatar News Agency (@QNAEnglish) November 14, 2021
ദോഹയുടെ അടയാള സ്തംഭങ്ങളായ ദഫ്ന ടൌണ്ഷിപ്പ് ടവറുകള്ക്ക് അഭിമുഖമായി ആദ്യം സ്ഥാനമുറപ്പിച്ച അഞ്ച് ടീമുകളുടെ പതാകകളും അടുത്ത അവകാശികള്ക്കായുള്ള കൊടിമരങ്ങളും വാനിലേക്കുയര്ന്നു കഴിഞ്ഞു. ഇതിനകം യോഗ്യത നേടിയ അഞ്ച് രാജ്യങ്ങളുടെ ഖത്തറിലെ സ്ഥാനപതികള് ചേര്ന്നാണ് അവരവരുടെ പതാകകള് ഉയര്ത്തിയത്.