ദോഹ: ഖത്തര് നാഷനല് കണ്വന്ഷന് സെന്ററിലെ വാക്സിനേഷന് കേന്ദ്രത്തിലെയും ലുസൈല്, അല് വക്റ എന്നിവിടങ്ങളിലെ ഡ്രൈവ് ഇന് കേന്ദ്രങ്ങളിലെയും റമദാനിലെ പ്രവര്ത്തി സമയം ആരോഗ്യ മന്ത്രാലയം പ്രഖ്യാപിച്ചു. നാഷനല് കണ്വെന്ഷന് സെന്ററില് റമദാനില് എല്ലാ ദിവസവും രാവിലെ ഒന്പത് മുതല് പിറ്റേന്ന് പുലര്ച്ചെ ഒരു മണി വരെ കേന്ദ്രം പ്രവര്ത്തിക്കും. വെള്ളി, ശനി ദിവസങ്ങളിലും സേവനം ലഭിക്കും.
വാക്സിനേഷനു വേണ്ടി ഇവിടെ വന്ന് കാത്തിരുന്നവര്ക്ക് കൂടുതല് സൗകര്യമൊരുക്കുന്നതിന്റെ ഭാഗമായി കണ്വെന്ഷന് സെന്ററിന്റെ പ്രധാന പാര്ക്കിംഗ് ഏരിയയില് ആളുകള്ക്ക് വാഹനമിറങ്ങി വിശ്രമിക്കാനുള്ള സംവിധാനം ഒരുക്കിയിട്ടുണ്ട്. പുറത്തെ കടുത്ത ചൂടില് നിന്ന് ആശ്വാസം നല്കുന്നതിന് വേണ്ടിയാണിത്. കുത്തിവയ്പ്പിന് വേണ്ടി ക്ഷണം ലഭിച്ചവരും ഖത്തറിന്റെ വാക്സിനേഷന് നയം അനുസരിച്ച് അര്ഹതയുള്ളവരുമായ ആളുകള്ക്കു മാത്രമേ ഇവിടെ വാക്സിന് ലഭിക്കുകയുള്ളുവെന്ന് ആരോഗ്യ മന്ത്രാലയം ആവര്ത്തിച്ചു.