മമ്മൂട്ടിയും പാര്വതി തിരുവോത്തും ആദ്യമായി ഒന്നിക്കുന്ന ചിത്രമാണ് ‘പുഴു’. നവാഗതയായ റത്തീന ശര്ഷാദ് ആണ് സംവിധാനം. വേഫേറര് ഫിലിംസിന്റെ ബാനറില് ദുല്ഖര് സല്മാനും, സിന്-സില് സെല്ലുല്ലോയ്ഡിന്റെ ബാനറില് എസ്. ജോര്ജ്ജും ചേര്ന്നാണ് നിര്മാണം.
ഒരു പിടി മികച്ച സംവിധായകരെ മലയാള സിനിമയ്ക്കു സമ്മാനിച്ച മമ്മൂട്ടി ഈ വനിതാ ദിനത്തില് പുതുമുഖ സംവിധായികയെ മലയാള സിനിമക്ക് സമ്മാനിക്കുകയാണ്. ഉയരെ എന്ന ചിത്രത്തിന്റെ എക്സിക്യൂട്ടീവ് പ്രൊഡ്യൂസറും, രേവതി ഉള്പ്പെടെയുള്ള പ്രശസ്ത സംവിധായകരോടൊപ്പം പ്രവര്ത്തിച്ചു മലയാള സിനിമയില് വര്ഷങ്ങളായുള്ള സജീവ സാന്നിധ്യമാണ് റത്തീന.
മമ്മൂട്ടി, പാര്വതി എന്നിവര്ക്കൊപ്പം നിരവധി പ്രമുഖരായ ഒരു താരനിര തന്നെ പുഴുവിന്റെ ഭാഗമായി എത്തുന്നുണ്ട്. ചിത്രത്തിനു വേണ്ടി ക്യാമറ ചലിപ്പിക്കുന്നത് തേനി ഈശ്വറാണ്. പേരന്പ്, ധനുഷ് ചിത്രം കര്ണ്ണന്, അച്ചം യെന്പത് മടമയാടാ, പാവൈ കഥൈകള് തുടങ്ങിയ ചിത്രങ്ങളുടെ കാമറ കൈകാര്യം ചെയ്തത് തേനി ഈശ്വരാണ്.
ബാഹുബലി, മിന്നല് മുരളി തുടങ്ങിയ ചിത്രങ്ങളുടെ കലാ സംവിധായകനായ മനു ജഗദ് ആണ്, പുഴുവിന്റെയും കലാസംവിധാനം.
റെനിഷ് അബ്ദുള്ഖാദര്, രാജേഷ് കൃഷ്ണ, ശ്യാം മോഹന് എന്നിവരാണ് എക്സിക്യൂട്ടീവ് പ്രൊഡ്യൂസേഴ്സ്. എഡിറ്റര് – ദീപു ജോസഫ്, സംഗീതം – ജേക്സ് ബിജോയ്, വിഷ്ണു ഗോവിന്ദും , ശ്രീശങ്കറും ചേര്ന്നാണ് സൗണ്ട് നിര്വ്വഹിച്ചിരിക്കുന്നത്, പ്രൊജക്റ്റ് ഡിസൈന്- ബാദുഷ, വസ്ത്രാലങ്കാരം സമീറ സനീഷ്, സ്റ്റില്സ് – ശ്രീനാഥ്. എന്.ഉണ്ണികൃഷ്ണന്, അമല് ചന്ദ്രനും, എസ്. ജോര്ജ്ജും ചേര്ന്നാണ് മേക്കപ്പ്, പബ്ലിസിറ്റി ഡിസൈന്സ്- ആനന്ദ് രാജേന്ദ്രന്, വിതരണംവേഫേറര് ഫിലിംസ്.