ഓണ്‍ലൈന്‍ തട്ടിപ്പ്: പഞ്ചാബ് മുഖ്യമന്ത്രിയുടെ ഭാര്യയില്‍ നിന്ന് 23ലക്ഷംകവര്‍ന്ന പ്രതി പിടിയില്‍

ചണ്ഡീഗഡ്: കോണ്‍ഗ്രസ് എം.പിയും പഞ്ചാബ് മുഖ്യന്ത്രിയുടെ ഭാര്യയുമായ പ്രണീത് കൗറിന് ഓണ്‍ലൈന്‍തട്ടിപ്പിലൂടെ 23 ലക്ഷം രൂപ നഷ്ടപ്പെട്ടു. തട്ടിപ്പ് നടത്തിയ ആള്‍ പോലീസ് പിടിയിലായി. ഇയാളില്‍ നിന്ന് ഈ പണം കണ്ടെടുത്തതായും വാര്‍ത്താ ഏജന്‍സി റിപ്പോര്‍ട്ട് ചെയതു.

ഡല്‍ഹിയില്‍ പാര്‍ലമെന്റ് സമ്മേളനത്തില്‍ പങ്കെടുക്കവെയാണ് പ്രണീത് കൗര്‍ തട്ടിപ്പിന് ഇരയായത്.എസ്.ബി.ഐ മാനേജര്‍ എന്നവകാശപ്പെട്ട് കൗറിനെ വിളിച്ചാണ് പ്രതി തട്ടിപ്പ് നടത്തിയത്. കൗറിനെ വിളിച്ച് ബാങ്ക് അക്കൗണ്ട് നമ്പറും എ.ടി.എം പിന്‍ നമ്പറും ഒ.ടി.പി സന്ദേശവും ചോദിച്ച ഇയാള്‍ക്ക് ഇവയെല്ലാം പ്രണീത് കൗര്‍ നല്‍കുകയായിരുന്നു. തുടര്‍ന്ന് ഫോണില്‍ മെസ്സേജ് വന്നപ്പോഴാണ് 23 ലക്ഷം നഷ്ടപ്പെട്ട കാര്യം മനസ്സിലാകുന്നത്.

ഉടന്‍ തന്നെ കൗര്‍ സൈബര്‍ സെല്ലില്‍ വിവരമറിയിച്ചു. ഫോണ്‍ നമ്പര്‍ വെച്ച് നടത്തിയ പരിശോധനയില്‍ ഇയാളെ റാഞ്ചിയില്‍ നിന്ന് പൊലീസ് അറസ്റ്റ് ചെയ്തു.

Top