ഡൽഹി ;പുൽവാമ ആക്രമണത്തിൽ പ്രതിപക്ഷം രാഷ്ട്രീയം കളിക്കുകയായിരുന്നെന്ന പരോക്ഷ വിമർശനവുമായി പ്രധാനമന്ത്രി നരേന്ദ്ര മോദി. പുൽവാമയിൽ സുരക്ഷാ ഭടന്മാരുടെ ജീവത്യാഗത്തിൽ ചിലർക്കു ദുഃഖം തോന്നിയില്ല എന്നത് രാജ്യത്തിന് ഒരിക്കലും മറക്കാനാവില്ലെന്നും പ്രധാന മന്ത്രി പറഞ്ഞു. പുൽവാമ ആക്രമണം സംബന്ധിച്ച് അയൽ രാജ്യത്തിന്‍റെ പാർലമെന്‍റിൽ സത്യം വെളിപ്പെട്ടുവെന്ന പാക് മന്ത്രിയുടെ പ്രസ്താവന ചൂണ്ടിക്കാട്ടിയാണ് മോദിയുടെ പ്രതികരണം.
സമാധാനം, സാഹോദര്യം, പരസ്പര ബഹുമാനം എന്നിവയാണ് മനുഷ്യരാശിക്കു വേണ്ടത്. ഭീകരതയിൽ നിന്നും അക്രമത്തിൽ നിന്നും ആർക്കും പ്രയോജനം നേടാനാവില്ല എന്നും അദ്ദേഹം പറഞ്ഞു.
ഗുജറാത്തിൽ സബർമതി നദീതീരത്ത് സീ പ്ലെയിൻ സർവീസ് ഉദ്ഘാടനം ചെയ്തു സംസാരിക്കുകയായിരുന്നു പ്രധാനമന്ത്രി.
