നിലവില് വില്പനയിലുള്ള 2018 പള്സര് 150 യുടെ പ്രാരംഭ വകഭേദമായ പള്സര് 150 ക്ലാസിക് ഇന്ത്യയില് പുറത്തിറങ്ങി. പള്സര് നിരയില് ഏറ്റവും വില കുറഞ്ഞ രണ്ടാമത്തെ ബൈക്ക്. 67,437 രൂപയാണ് ബൈക്കിന്റെ എക്സ്ഷോറൂം വില (മുംബൈ). ഇരട്ട ഡിസ്ക്കുള്ള പള്സര് 150 യെക്കാളും 10,118 രൂപ കുറവ്.
കേവലം കറുപ്പ് നിറത്തില് മാത്രമാണ് പുതിയ ക്ലാസിക് പതിപ്പ് ലഭ്യമാവുക. ക്രാങ്കേസ്, മുന് ഫോര്ക്കുകള്, ചെയിന് ഗാര്ഡ്, അലോയ് വീലുകള് എന്നിവയ്ക്കെല്ലാം നിറം കറുപ്പാണ്. പ്രാരംഭ മോഡലായതു കൊണ്ടുതന്നെ പള്സര് 150 യിലുള്ള ഫീച്ചറുകളില് പലതും പുതിയ ക്ലാസിക് പതിപ്പിനില്ല. ഗ്രാഫിക്സ്, പിന് ഡിസ്ക് ബ്രേക്ക്, സ്പ്ലിറ്റ് സീറ്റ്, ടാങ്ക് എക്സ്റ്റന്ഷന് എന്നിവയെല്ലാം പള്സര് 150 ക്ലാസിക്കിന് നഷ്ടപ്പെട്ടു. പള്സര് 150 യില് എബിഎസിനെ ബജാജ് നല്കാനിരിക്കുന്നതേയുള്ളു. ഇക്കാരണത്താല് പള്സര് 150 ക്ലാസിക്കിനും എബിഎസ് ഫീച്ചറില്ല.
2006 ല് വിപണിയില് കടന്നുവന്ന ആദ്യ തലമുറ പള്സര് 150 യുടെ ശൈലിയാണ് പുതിയ പള്സര് 150 ക്ലാസിക് പിന്തുടരുന്നത്.ബൈക്കിന്റെ എഞ്ചിനില് കമ്പനി മാറ്റങ്ങള് വരുത്തിയിട്ടില്ല. നിലവിലുള്ള പള്സര് 150 യുടെ എഞ്ചിന് ക്ലാസിക്കിലും തുടരും. ട്യൂബ്ലെസ് ടയറുകളാണ് ഇരു ചക്രങ്ങളിലും. സസ്പെന്ഷന് വേണ്ടി മുന്നില് ടെലിസ്കോപിക് ഫോര്ക്കുകളും പിന്നില് ഗ്യാസ് ചാര്ജ്ഡ് ട്വിന് റിയര് ഷോക്ക് അബ്സോര്ബറുമുണ്ട്.
150 സിസി നാലു സ്ട്രോക്ക് ഒറ്റ സിലിണ്ടര് എഞ്ചിനാണ് പള്സര് 150 ക്ലാസിക്കില്. 14 bhp കരുത്തും 13.4 Nm torque ഉം എയര് കൂള്ഡ് കാര്ബ്യുറേറ്റഡ് എഞ്ചിന് പരമാവധി ഉത്പാദിപ്പിക്കും. സ്റ്റാന്ഡേര്ഡ് ഗിയര്ബോക്സ് അഞ്ചു സ്പീഡ്. മറ്റു പള്സറുകളെ പോലെ ട്വിന് സ്പാര്ക്ക് പ്ലഗ് ടെക്നോളജിയാണ് പുത്തന് മോഡലും അവകാശപ്പെടുന്നത്. മുന്നില് 240 mm ഡിസ്കും പിന്നില് 130 mm ഡ്രമ്മും ബൈക്കില് ബ്രേക്കിംഗ് നിറവേറ്റും.