ന്യൂഡല്ഹി:ഇന്ത്യന് പ്രധാനമന്ത്രി നരേന്ദ്രമോദി പാക്കിസ്ഥാനെ യുദ്ധത്തിലേക്ക് തള്ളിവിടുകയാണെന്ന് പാക്ക് ഭരണകക്ഷിയായ പിടിഐയുടെ ആരോപണം. നരേന്ദ്രമോദിയെ അധിക്ഷേപിക്കുന്ന തരത്തിലുള്ള ട്വീറ്റുകളാണ് പാക് പ്രധാനമന്ത്രി ഇമ്രാൻ ഖാന്റെ പാർട്ടിയായ പാകിസ്ഥാൻ തെഹ്രീക്ക് ഇ ഇൻസാഫ് പാർട്ടിയുടെ (പിടിഐ) ഔദ്യോഗിക ട്വിറ്റര് അക്കൗണ്ടിലൂടെ പുറത്തുവിട്ടിരിക്കുന്നത്. ‘ഗുജറാത്തിന്റെ കശാപ്പുകാരന് എന്നാണ് മോദിയെ ട്വീറ്റില് വിശേഷിപ്പിച്ചിരിക്കുന്നത്.
മുസഫറബാദില് പ്രധാനമന്ത്രി ഇമ്രാന് ഖാന്റെ റാലി നടക്കാനിരിക്കെയാണ് പിടിഐയുടെ ഭാഗത്തുനിന്ന് പ്രകോപനപരമായ പരാമര്ശമുണ്ടായിരിക്കുന്നത്. ഇന്ത്യന് സേന കശ്മീരില് തുടരുന്ന ചൂഷണത്തെക്കുറിച്ച് ലോകത്തെ അറിയിക്കാനും പാക്കിസ്ഥാന് കശ്മീരികള്ക്കൊപ്പമാണെന്ന് തെളിയിക്കാനുമാണ് മുസാഫറബാദിലെ റാലിയെന്നാണ് പാക്കിസ്ഥാന് പ്രധാനമന്ത്രി പറയുന്നത്.
A monster who supervised the murder of over a 1000 Indian Muslims in Gujarat, imagine what sort of atrocities he would be inflicting on Kashmiri people with a total communication blackout to suppress the voices #KashmirSolidarityJalsa pic.twitter.com/zal8CHcNT6
— PTI (@PTIofficial) September 13, 2019
കശ്മീര് വിഷയത്തില് അടിയന്തരമായി ഇടപെടണമെന്ന പാക്കിസ്ഥാന്റെ ആവശ്യം ഐക്യരാഷ്ട സഭ സെക്രട്ടറി ജനറല് അന്റോണിയോ ഗുട്ടെറസ് നിരാകരിച്ചിരുന്നു. ഇരു രാജ്യങ്ങളും ഒരുപോലെ ആവശ്യപ്പെട്ടാലേ മധ്യസ്ഥതയുള്ളു എന്ന നിലപാടില് മാറ്റമില്ലെന്നാണ് സെക്രട്ടറി ജനറല് വ്യക്തമാക്കിയത്. കശ്മീരിലേക്ക് രാജ്യാന്തര ശ്രദ്ധ ആകര്ഷിക്കാനുള്ള ഈ ശ്രമം വിജയിക്കാത്ത സാഹചര്യത്തിലാണ് റാലി നടത്താനുള്ള ഇമ്രാന് ഖാന്റെ നീക്കം.