പത്തനംതിട്ട : തെരഞ്ഞെടുപ്പു സമയത്തു പറയുന്ന വാഗ്ദാനങ്ങള് ആരെങ്കിലും കാര്യമായി എടുക്കുമോയെന്ന് ബിജെപി സംസ്ഥാന അധ്യക്ഷന് പി.എസ്. ശ്രീധരന് പിള്ള. പ്രസ് ക്ലബ്ബില് നടന്ന മീറ്റ് ദി പ്രസ് പരിപാടിയിലെ ചോദ്യങ്ങള്ക്ക് മറുപടി പറയുകയായിരുന്നു അദ്ദേഹം.
തിരഞ്ഞെടുപ്പില് ഉയര്ത്തുന്ന കാര്യങ്ങള് യാഥാര്ഥ്യവുമായി ബന്ധമില്ല. അങ്ങനെയാണെങ്കില് ഇവിടെ കോണ്ഗ്രസ് എന്തെല്ലാം വാഗ്ദാനങ്ങള് നല്കിയിട്ടുണ്ടെന്നും ശ്രീധരന്പിള്ള തിരിച്ച് ചോദിച്ചു.
പെട്രോള് വില കുറയ്ക്കുമെന്ന് ബിജെപി ദേശീയ അധ്യക്ഷന് കഴിഞ്ഞ ദിവസം പറഞ്ഞിട്ടുണ്ട്. അതു നടപ്പാക്കാന് പോകുന്ന കാര്യമാണ്. ഞാന് എന്റെ പാര്ട്ടി അധ്യക്ഷനെ വിശ്വസിക്കുന്നു, നിങ്ങള്ക്ക് ഏതു രീതിയിലും വ്യാഖ്യാനിക്കാമെന്നും ശ്രീധരന്പിള്ള വ്യക്തമാക്കി.