ഡൽഹി: കോണ്‍ഗ്രസ് നേതാവ് പ്രിയങ്ക ഗാന്ധിക്ക് വീണ്ടും കൊവിഡ് . വസതിയില്‍ വിശ്രമത്തിലാണ് പ്രിയങ്ക ഗാന്ധിയിപ്പോള്‍.വീണ്ടും താന്‍ കൊവിഡ് ബാധിതയായെന്ന് പ്രിയങ്ക ട്വിറ്ററില്‍ കുറിച്ചു. വിലക്കയറ്റത്തിനും പണപ്പെരുപ്പത്തിനുമെതിരെ കേന്ദ്ര സര്‍ക്കാരിനെതിരെ കോണ്‍ഗ്രസ് ദേശീയ ആസ്ഥാനത്തിന് പുറത്ത് മാര്‍ച്ച് സംഘടിപ്പിച്ച് ദിവസങ്ങള്‍ക്കുള്ളിലാണ് പ്രിയങ്ക ഗാന്ധി കൊവിഡ് ബാധിതയായിരിക്കുന്നത്.
കഴിഞ്ഞ വര്‍ഷം ജൂണ്‍ മാസത്തില്‍ പ്രിയങ്കക്ക് കൊവിഡ് ബാധിച്ചിരുന്നു. പ്രിയങ്കയുടെ മാതാവും കോണ്‍ഗ്രസ് ദേശീയ അദ്ധ്യക്ഷയുമായ സോണിയ ഗാന്ധിക്ക് കൊവിഡ് ബാധിച്ച് ദിവസങ്ങള്‍ക്കുള്ളിലായിരുന്നു ആദ്യമായി പ്രിയങ്ക കൊവിഡ് രോഗബാധിതയായത്. കഴിഞ്ഞ വര്‍ഷം ഏപ്രില്‍ 20ന് സഹോദരനും കോണ്‍ഗ്രസ് മുന്‍ ദേശീയ അദ്ധ്യക്ഷനുമായ രാഹുല്‍ ഗാന്ധിയും കൊവിഡ് ബാധിതനായിരുന്നു.
