പ്രിയദര്ശന്റെ സംവിധാനത്തിലുള്ള ഒരു ചിത്രത്തില് ഇതാദ്യമായി ബിജു മേനോന് നായകനാകുകയാണ്. ബിജു മേനോന് നായകനാകുന്ന ചിത്രത്തിന്റെ ചിത്രീകരണം ആരംഭിച്ചു. ബിജു മേനോന് നായകനാകുന്ന ചിത്രത്തെ കുറിച്ച് പ്രിയദര്ശന് തന്നെ വെളിപ്പെടുത്തിയിരുന്നു. പട്ടാമ്പിയിലാണ് ബിജു മേനോന് ചിത്രത്തിന്റെ ചിത്രീകരണം നടക്കുന്നത്.
എംടി വാസുദേവന് നായരുടെ കഥകളെ അടിസ്ഥാനമാക്കിയുള്ള 10 ഭാഗങ്ങളുള്ള സിനിമാ സീരീസില് ഒന്നാണ് ഇത്. എം ടി വാസുദേവന് നായരുടെ ഏത് കഥയായിരിക്കും ചിത്രമാക്കുന്നത് എന്ന് വെളിപ്പെടുത്തിയിട്ടില്ല. സീരിസില് സന്തോഷ് ശിവനും ചിത്രം സംവിധാനം ചെയ്യുന്നുണ്ട്. സീരിസില് ശ്യാമപ്രസാദ് സംവിധാനം ചെയ്യുന്ന ചിത്രത്തില് പാര്വതി നായികയാകുന്നുവെന്ന് റിപ്പോര്ട്ടുണ്ട്.
എംടി കഥകളെ ആസ്പദമാക്കിയുള്ള സീരീസ് നെറ്റ്ഫ്ലിക്സിലാണ് റിലീസ് ചെയ്യുക. ബിജു മേനോന് നായകനാകുന്ന ചിത്രത്തിനു ശേഷമാണ് മോഹന്ലാലിനെ നായകനാക്കിയുള്ള പ്രിയദര്ശന് ചിത്രം ആരംഭിക്കുക. പ്രിയദര്ശന്റെ സംവിധാനത്തിലുള്ള പുതിയ ചിത്രത്തില് ബോക്സിംഗ് താരമായിട്ടാണ് മോഹന്ലാല് അഭിനയിക്കുന്നത്. പ്രിയദര്ശനുമായി വീണ്ടും ഒന്നിക്കുന്ന ചിത്രത്തിന് വേണ്ടി മോഹന്ലാല് ഇതിനകം തയ്യാറെടുപ്പുകള് തുടങ്ങിയിട്ടുണ്ട്.