കൊച്ചി: സ്വകാര്യ ബസിന്റെ വാതില് തുറന്ന് ഓടിയ ഡ്രൈവര്മാരുടെയും കണ്ടക്ടര്മാരുടെയും ലൈസന്സ് സസ്പെന്ഡ് ചെയ്തു. ബസിന് വാതില് ഘടിപ്പിച്ചതിനു ശേഷവും തുറന്നിട്ട് ഓടിയ 94 ഡ്രൈവര്മാരുടെയും 25 കണ്ടക്ടര്മാരുടെയും ലൈസന്സാണ് സസ്പെന്ഡ് ചെയ്തിരിക്കുന്നത്.
കാക്കനാട്, തൃപ്പൂണിത്തുറ, ആലുവ, കളമശ്ശേരി, അങ്കമാലി, പറവൂര് തുടങ്ങിയ സ്ഥലങ്ങളില് 2019 ജനുവരി ഒന്നു മുതല് ജൂണ് 11 വരെ മോട്ടോര് വെഹിക്കിള് ഇന്സ്പെക്ടര്മാര് നടത്തിയ പരിശോധനയുടെ അടിസ്ഥാനത്തിലാണ് നടപടി എടുത്തിരിക്കുന്നത്. മഫ്തിയിലായിരുന്നു ഉദ്യോഗസ്ഥര് പരിശോധനയ്ക്ക് എത്തിയത്.
വാതില് കെട്ടി വെച്ച് സര്വീസ് നടത്തിയതിനാണ് കണ്ടക്ടര്മാരുടെ ലൈസന്സ് സസ്പെന്ഡ് ചെയ്തിരിക്കുന്നത്. ഡ്രൈവര് നിയന്ത്രിക്കുന്ന ന്യുമാറ്റിക് ഡോര് തുറന്നു വെച്ച് ബസ് ഓടിച്ചതിനാണ് ബസ് ഡ്രൈവര്മാര്ക്കെതിരെ നടപടി എടുത്തിരിക്കുന്നത്.