ദില്ലി: കൊവിഡ് വ്യാപനത്തിന്റെ പ്രയാസകരമായ ഘട്ടത്തിലും ഇന്ത്യയുടെ സാമ്പത്തിക വളര്‍ച്ച തിരിച്ചുപിടിക്കാനായെന്ന് പ്രധാനമന്ത്രി നരേന്ദ്രമോദി. സാമ്പത്തിക വളര്‍ച്ച വളരെ വേഗത്തിലാണ് തിരികെയെത്തുന്നത്. ലോകരാജ്യങ്ങള്‍ വളരെ പ്രതീക്ഷയോടെയാണ് രാജ്യത്തെ നോക്കിക്കാണുന്നത്.
ലോകത്തില്‍ അതിവേഗം വളരുന്ന സമ്പദ് വ്യവസ്ഥയായി ഇന്ത്യ ഒരിക്കല്‍ കൂടി നീങ്ങും. നടപ്പുസാമ്പത്തിക വര്‍ഷത്തില്‍ രാജ്യത്തെ സമ്പദ് വ്യവസ്ഥയുടെ വളര്‍ച്ച 9.5ശതമാനത്തിലേക്കെത്തുമെന്നും പ്രധാനമന്ത്രി പറഞ്ഞു.
ഇന്ത്യയെ ലോകത്തിലെ ഏറ്റവും വലിയ സൈനിക ശക്തിയാക്കുമെന്നും പ്രധാനമന്ത്രി അഭിപ്രായപ്പെട്ടു. ഏഴ് പ്രതിരോധ കമ്പനികള്‍ രാഷ്ട്രത്തിന് സമര്‍പ്പിച്ചുകൊണ്ട് സംസാരിക്കവെയാണ് പ്രധാനമന്ത്രിയുടെ പരാമര്‍ശം. പുതിയ കമ്പനികള്‍ പ്രതിരോധ മേഖലയുടെ മുഖം മാറ്റുമെന്നും പ്രധാനമന്ത്രി പറഞ്ഞു.
