ഡല്ഹി: ഓഗസ്റ്റ് രണ്ട് മുതല് 15 വരെയുള്ള ദിവസങ്ങളില് എല്ലാവരും സാമൂഹിക മാധ്യമ അക്കൗണ്ടുകളുടെ പ്രൊഫൈല് ചിത്രം ത്രിവര്ണ്ണമാക്കണമെന്ന് പ്രധാനമന്ത്രി നരേന്ദ്ര മോദി. 75-ാം സ്വാതന്ത്ര്യ ദിനത്തോടനുബന്ധിച്ചുള്ള ‘ഹര് ഖര് തിരംഗ’ ക്യാംമ്പെയിന്റെ ഭാഗമായാണ് മോദിയുടെ അഭ്യർത്ഥന. പ്രധാനമന്ത്രിയുടെ പ്രതിമാസ റോഡിയോ പരിപാടിയായ മന്കീ ബാത്തിലൂടെയാണ് അദ്ദേഹം അഭ്യര്ഥന നടത്തിയത്.
ഓഗസ്റ്റ് രണ്ടിന് ത്രിവര്ണ്ണവുമായി പ്രത്യേക ബന്ധമുണ്ട്. നമ്മുടെ ദേശീയ പതാക രൂപകല്പ്പന ചെയ്ത പിംഗളി വെങ്കയ്യയുടെ ജന്മദിനമാണ് അന്ന്. അദ്ദേഹത്തിന് ആദരമര്പ്പിക്കുന്നു. വലിയ വിപ്ലവകാരിയായ മാഡം കാമയേയും ഈ അവസരത്തില് ഓര്ക്കുന്നുവെന്നും മോദി പറഞ്ഞു.
സ്വാതന്ത്ര്യ ദിനത്തോട് അനുബന്ധിച്ച് ഓഗസ്റ്റ് 13 മുതല് 15 വരെ എല്ലാവരും വീടുകളില് ത്രിവര്ണ്ണ പതാക ഉയര്ത്താനും നേരത്തെ പ്രധാനമന്ത്രി നിര്ദേശിച്ചിരുന്നു. ഇതിനുപിന്നാലെയാണ് സാമൂഹിക മാധ്യമങ്ങളിലെ പ്രൊഫൈല് ചിത്രം മാറ്റാനുള്ള നിര്ദേശവും മോദി മുന്നോട്ടുവച്ചത്.