ന്യൂഡല്‍ഹി: ഗാന്ധി ജയന്തി ദിനമായ ഇന്ന് മഹാത്മ ഗാന്ധിയെ അനുസ്മരിച്ച് രാജ്യം. പ്രധാനമന്ത്രി നരേന്ദ്ര മോദിയും രാഷ്ട്രപതി രാംനാഥ് കോവിന്ദും രാജ്ഘട്ടിലെ ഗാന്ധി സമാധിയിലെത്തി പുഷ്പാര്‍ച്ചന നടത്തി.
സമൃദ്ധി നിറഞ്ഞതും അനുകമ്പയുള്ളതുമായ ഒരു ഇന്ത്യ സൃഷ്ടിക്കുന്നതിന് ഗാന്ധിജിയുടെ ആദര്‍ശങ്ങള്‍ ഇനിയും നമ്മേ നയിക്കട്ടേയെന്ന് പ്രധാനമന്ത്രി ട്വീറ്റ് ചെയ്തു.
മഹത്തായ ഈ രാജ്യത്തിന്റെ പേരില്‍ ബാപ്പുവിന് ആദരം അര്‍പ്പിക്കുന്നുവെന്നും മനുഷ്യ കുലത്തിന് ആകെ പ്രചോദനമായാണ് ഗാന്ധി അദ്ദേഹം നിലകൊള്ളുന്നതെന്നും രാഷ്ട്രപതി രാംനാഥ് കോവിന്ദ് ട്വിറ്ററില്‍ കുറിച്ചു.
