അനുഷ്‌കയും താനും വിവാഹിതരാകാത്തതു കൊണ്ടുമാത്രമുണ്ടായ ഗോസിപ്പുകളാണത്: പ്രഭാസ്

ബ്രഹ്മാണ്ട ചിത്രമായ ബാഹിബലിയ്ക്ക് ശേഷം നടി അനുഷ്‌ക ഷെട്ടിയുമായി നടന്‍ പ്രഭാസ് പ്രണയത്തിലാണെന്നും വിവാഹിതനാകുമെന്നുമുള്ള വാര്‍ത്തകള്‍ പ്രചരിച്ചിരുന്നു. എന്നാല്‍ ആ വാര്‍ത്ത തള്ളി നടന്‍ പ്രഭാസ് തന്നെ ഇപ്പോള്‍ രംഗത്തെത്തിയിരിക്കുകയാണ്. ബാഹുബലിക്ക് ശേഷം പ്രഭാസ് നായകനാകുന്ന സാഹോ എന്ന ബിഗ് ബജറ്റ് ചിത്രത്തിന്റെ പ്രചാരണാര്‍ഥം കൊച്ചിയിലെത്തിയതായിരുന്നു പ്രഭാസ്.

“ഓണ്‍ലൈന്‍ മാധ്യമങ്ങളില്‍ കാലങ്ങളായി പ്രചരിക്കുന്ന ഗോസിപ്പുകള്‍ വെറും ഗോസിപ്പായി മാറ്റിനിര്‍ത്തിയാണ് പ്രഭാസ് അനുഷ്‌കയുമായുള്ള ബന്ധത്തെക്കുറിച്ച് തുറന്നുപറഞ്ഞത്. താനും അനുഷ്‌കയും പതിനൊന്ന് വര്‍ഷമായി സുഹൃത്തുക്കളാണ്. ബാഹുബലിയിലെ പ്രധാന കഥാപാത്രമായിരുന്നു ദേവസേന. ബാഹുബലിയില്‍ ഏറ്റവും അധികമാളുകള്‍ ഇഷ്ടപ്പെട്ട കഥാപാത്രവും. അനുഷ്‌കയും താനും വിവാഹിതരാകാത്തതുകൊണ്ടു മാത്രമുണ്ടായ ഗോസിപ്പുകളാണത്. വിവാഹിതരാകാന്‍ താല്‍പര്യമുണ്ടായിരുന്നെങ്കില്‍ അത് ഒളിച്ചുവയ്ക്കാനോ ഭയപ്പെടേണ്ട കാര്യമോ തനിക്കില്ല. രണ്ടിലൊരാള്‍ വിവാഹം കഴിക്കാതെ ഗോസിപ്പുകള്‍ അവസാനിക്കില്ലെന്നും അത് കാര്യമാക്കുന്നില്ലെന്നും” പ്രഭാസ് പറഞ്ഞു.

Top