തിരുവനന്തപുരം : നിരവധി കേസുകളിൽ പ്രതിയും പിടികിട്ടാപ്പുള്ളിയുമായ പൊന്മാൻ രാഹുലാണ് അറസ്റ്റില്. കാഞ്ഞിരംകുളം പൊലീസാണ് പ്രതിയെ അറസ്റ്റ് ചെയ്തത്. കാഞ്ഞിരംകുളം, നെയ്യാറ്റിന്കര പൊലീസ് സ്റ്റേഷനുകളിലായി വധശ്രമം അടക്കം നിരവധി കേസുകളിലെ പ്രതിയാണ് പിടിയിലായ കോട്ടുകാല് പുത്തളം അമ്പലത്തട്ടു വീട്ടില് പൊന്മാന് രാഹുല് എന്ന രാഹുല് രാജ്. 26 വയസാണ് .
ആറു മാസമായി ഇടുക്കിയിലെ കട്ടപ്പനയിലും തിരുവനന്തപുരത്തെ മലയോര മേഖലയിലുമായി ഒളിവിലായിരുന്നു രാഹുൽ. പൊലീസിനു ലഭിച്ച രഹസ്യ വിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് കഴിഞ്ഞ ദിവസം പിടികൂടിയത്. നെയ്യാറ്റിന്കര ഡിവൈ.എസ്.പി അനില്കുമാര്, കാഞ്ഞിരംകുളം ഇന്സ്പെക്ടര് സുരേഷ്.വി.നായര്, എസ്.ഐമാരായ ഷാജുദീന്, ഹരിലാല്, എ.എസ്.ഐ സതികുമാര് എന്നിവരടങ്ങിയ സംഘമാണ് പ്രതിയെ പിടികൂടിയത്.