തിരുവനന്തപുരം: സംസ്ഥാനത്ത് മോക്ക് പോളിങ് ആരംഭിച്ചു. ഏഴ് മണിക്ക് വോട്ടിങ് ആരംഭിക്കാനിരിക്കെയാണ് മോക്ക് പോളിങിലൂടെ യന്ത്രങ്ങളുടെ കാര്യക്ഷമത പരിശോധിക്കുന്നത്. എറണാകുളം ജില്ലയിലെ എളമക്കര ഹൈസ്‌കൂളിലെയും കോതമംഗലം ദേവസ്വം ബോര്‍ഡിലെ പോളിങ് ബൂത്തിലും വോട്ടിങ് യന്ത്രങ്ങളിലാണ് തകരാറ് കണ്ടെത്തിയത്. കൊല്ലം ജില്ലയിലെ ബൂത്തുകളില്‍ വിവി പാറ്റ് മെഷീനുകള്‍ തകരാറില്‍ ആയതായും റിപ്പോര്‍ട്ടുണ്ട്.
പത്തനം തിട്ട ആനപ്പാറ എല്‍പി സ്‌കൂളിലും പരവൂരിലെ 81-ാം നമ്പര്‍ പോളിങ് ബൂത്തിലും വോട്ടിങ് മെഷീനുകളില്‍ തകരാറുകള്‍ കണ്ടെത്തിയിട്ടുണ്ടെന്നും ഉടന്‍ പരിഹരിക്കുമെന്നും തെരഞ്ഞെടുപ്പ് ഓഫീസര്‍ അറിയിച്ചു. ഇന്നലെ പെയ്ത കനത്ത മഴയെ തുടര്‍ന്ന് പല ജില്ലകളിലും വൈദ്യുതി തടസ്സം നേരിടുന്നതായും റിപ്പോര്‍ട്ടുകളുണ്ട്.
