തിരുവനന്തപുരം: തിരുവനന്തപുരത്ത് ലഹരി സംഘം പൊലീസ് വാഹനവുമായി കടന്നുകളഞ്ഞു. കഞ്ചാവ് സംഘത്തെ പിടികൂടാന് പട്രോളിംഗ് നടത്തുന്നതിനിടയിലായിരുന്നു സംഭവം. പരിശോധനയ്ക്കായി പൊലീസ് ഇറങ്ങിയ തക്കംനോക്കി സംഘം ജീപ്പുമായി രക്ഷപ്പെടുകയായിരുന്നു. പാറശാല സ്റ്റേഷനിലെ പൊലീസ് ജീപ്പുമായിട്ടാണ് സംഘം രക്ഷപ്പെടാന് ശ്രമിച്ചത്.
തുടര്ന്ന് ഉദ്യോഗസ്ഥര് സംഘത്തെ ബൈക്കില് പിന്തുടര്ന്നു. ഇതിനിടെ ലഹരിസംഘം സഞ്ചരിച്ചിരുന്ന പൊലീസ് ജീപ്പ് ആലമ്പാറയ്ക്ക് സമീപം നിയന്ത്രണം വിട്ട് മതിലില് ഇടിക്കുകയായിരുന്നു. പിന്നീടിവര് ജീപ്പില് നിന്ന് ഇറങ്ങിയോടി. സംഘത്തിലെ ഒരാളെ നാട്ടുകാര് പിടികൂടി പൊലീസില് ഏല്പ്പിച്ചു. മറ്റുള്ളവര്ക്കായി പൊലീസ് അന്വേഷണം ആരംഭിച്ചിട്ടുണ്ട്.