ശബരിമല: ചിത്തിര ആട്ടവിശേഷത്തിന് നവംബര് അഞ്ചിന് ശബരിമല നട തുറക്കാനിരിക്കേ കനത്ത സുരക്ഷയൊരുക്കി പൊലീസ്. നട തുറക്കുന്നതിന് മുന്നോടിയായി ഇന്ന് മുതല് ആറാം തിയതി വരെ ശബരിമലയില് 5000 പൊലീസുകാരെയാണ് വിന്യസിച്ചിരിക്കുന്നത്. സുപ്രീംകോടതി വിധി നടപ്പാക്കുമെന്ന് സര്ക്കാരും തടയുമെന്ന് സമരക്കാരും നിലപാടെടുത്തിരിക്കുന്ന പശ്ചാത്തലത്തിലാണ് പോലീസിന്റെ നീക്കം.
അഞ്ചാം തീയതി വൈകിട്ട് അഞ്ച് മണിക്ക് തുറക്കുന്ന നട അടുത്ത ദിവസം പത്തിനാണ് അടയ്ക്കുന്നത്. തുലാമാസ പൂജയ്ക്ക് നട തുറന്നപ്പോള് ശബരിമലയിലും പരിസരങ്ങളിലും സംഘര്ഷം ശക്തമായിരുന്നു. ഇതിന്റെ പശ്ചാത്തലത്തിലാണ് രണ്ട് ദിവസം മുമ്പേ പൊലീസിനെ വിന്യസിക്കുന്നത്.