വൈത്തിരി: വയനാട് വൈത്തിരിയില് പൊലീസും മാവോയിസ്റ്റുകളും തമ്മില് വെടിവെപ്പ്. ദേശീയപാതയക്ക് സമീപം സ്ഥിതി ചെയ്യുന്ന ഉപവന് എന്ന സ്വകാര്യ റിസോര്ട്ടിനകത്താണ് വെടിവെപ്പ് നടക്കുന്നത്.
വെടിവെപ്പില് രണ്ട് മാവോയിസ്റ്റുകള്ക്ക് വെടിയേറ്റതായും ഇവര് ഓടി രക്ഷപ്പെട്ടതായുമാണ് വിവരം. പ്രദേശവാസികളോട് വീട്ടില് നിന്നും പുറത്തിറങ്ങരുതെന്ന് പൊലീസ് ആവശ്യപ്പെട്ടിട്ടുണ്ട്.
റിസോര്ട്ടിലെത്തിയ മാവോയിസ്റ്റുകള് ഉടമയോട് പണം ആവശ്യപ്പെട്ടതോടെയാണ് സംഭവങ്ങളുടെ തുടക്കം. ഈ സമയം അവിടെ ഉണ്ടായിരുന്ന ചില പൊലീസ് ഉദ്യോഗസ്ഥര് മാവോയിസ്റ്റുകളെ തിരിച്ചറിഞ്ഞതോടെ കേരള പൊലീസിന്റെ തണ്ടര്ബോള്ട്ട് സംഘം സ്ഥലത്ത് എത്തുകയും റിസോര്ട്ടിന് മുന്പില് ഇരുകൂട്ടരും തമ്മില് വെടിവെപ്പ് ആരംഭിക്കുകയും ആയിരുന്നു.
രാത്രി ഒന്പത് മണിയോടെ ആരംഭിച്ച വെടിവെപ്പ് ഇപ്പോഴും തുടരുന്നുവെന്നാണ് വിവരം. പ്രദേശത്തേക്കുള്ള വൈദ്യുതി ബന്ധം വിച്ഛേദിച്ച വയനാട്-കോഴിക്കോട് ദേശീയപാതയിലെ ഗതാഗതം തടഞ്ഞിട്ടുണ്ട്. മേഖലയിലേക്ക് കൂടുതല് പൊലീസ് എത്തിയിട്ടുണ്ട്.