തൃശൂര്‍: പ്രായപൂര്‍ത്തിയാകാത്ത പെണ്‍കുട്ടികളെ പരിചയപ്പെട്ട ശേഷം പീഡനത്തിനിരയാക്കിയ കേസില്‍ തൃശൂര്‍ സ്വദേശികളായ പത്ത് പേര്‍ അറസ്റ്റില്‍.
നഗരത്തിലൂടെ കറങ്ങി നടന്ന് പെണ്‍കുട്ടികളെ പരിചയപ്പെടുകയും പിന്നീട് സ്‌നേഹം നടിച്ച് പലയിടങ്ങളിലായി കൊണ്ടു പോയി പീഡിപ്പിക്കുകയും ചെയ്‌തെന്നാണ് പ്രതികള്‍ക്കെതിരെയുള്ള പരാതി. പ്രതികള്‍ പൊലീസിനോട് കുറ്റസമ്മതം നടത്തി.
കഴിഞ്ഞ ദിവസം കോളേജ് വിദ്യാര്‍ത്ഥിനിയെ കാണാനില്ലെന്ന പരാതിയെ തുടര്‍ന്ന് നടത്തിയ അന്വേഷണത്തിനൊടുവിലാണ് പൊലീസ് പ്രതികളെ കണ്ടെത്തിയത്. മൊബൈല്‍ ടവര്‍ കേന്ദ്രീകരിച്ച് നടന്ന അന്വേഷണത്തിലാണ് പ്രതികള്‍ പിടിക്കപ്പെട്ടത്. ഇവരില്‍ നിന്ന് ലഭിച്ച വിവരത്തെ തുടര്‍ന്നാണ് ബാക്കിയുള്ളവരെയും പൊലീസ് അറസ്റ്റ് ചെയ്തത്. സംഘത്തില്‍ ഇനിയും കൂടുതല്‍ ആള്‍ക്കാരുണ്ടാകുമെന്നാണ് പൊലീസ് പറയുന്നത്.
