മലപ്പുറം: മഞ്ചേരിയില് പോക്സോ കേസിലെ പ്രതി കോടതി കെട്ടിടത്തില് നിന്ന് ചാടി ആത്മഹത്യയ്ക്ക് ശ്രമിച്ചു.
എടവണ്ണ ചാത്തല്ലൂര് സ്വദേശി ആലിക്കുട്ടിയാണ് കോടതിയില് ഹാജരാക്കാന് എത്തിച്ചപ്പോള് കോടതി കെട്ടിടത്തിന്റെ രണ്ടാം നിലയില് നിന്ന് താഴേക്ക് ചാടിയത്. ഇന്ന് ഉച്ചയ്ക്ക് 12.30 ഓടെയായിരുന്നു സംഭവം.
സാരമായി പരിക്കേറ്റ ഇയാളെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു. പ്രതിയുടെ വലതുകൈയ്ക്ക് അടക്കം പൊട്ടലുണ്ടെന്നും സാരമായ പരിക്കുണ്ടെന്നുമാണ് വിവരം
നേരത്തെ സ്കൂള് വിദ്യാര്ത്ഥിനികളെ പീഡിപ്പിച്ച കേസില് അറസ്റ്റിലായ ആലിക്കുട്ടിക്കെതിരെ കഴിഞ്ഞദിവസം മറ്റൊരു കേസ് കൂടി രജിസ്റ്റര് ചെയ്തിരുന്നു. ഈ കേസില് പോക്സോ കോടതിയില് ഹാജരാക്കാന് എത്തിച്ചപ്പോള് ഇയാള് പൊലീസുകാരില് നിന്ന് കുതറിയോടി കെട്ടിടത്തിന്റെ മുകളില് നിന്ന് താഴേക്ക് ചാടുകയായിരുന്നു.