തിരുവനന്തപുരം: പ്രധാനമന്ത്രിയുടെ ഓഫീസിലെ ജീവനക്കാരനെന്ന് വ്യാജേനെ തിരുവനന്തപുരം സ്വദേശിനിയില്‍ നിന്ന് 59 ലക്ഷം തട്ടിയ ആളെ പൊലീസ് അറസ്റ്റ് ചെയ്തു. കൊല്ലം സ്വദേശി ബാലകൃഷ്ണ സുധീറാണ് പിടിയിലായത്.
സ്വകാര്യ സ്‌കൂളിലെ അധ്യാപികയായിരുന്ന യുവതിക്ക് കേന്ദ്രീയ വിദ്യാലയത്തില്‍ ജോലി ശരിയാക്കി തരാമെന്ന് വിശ്വസിപ്പിച്ചാണ് പണം തട്ടിയത്. യുവതിയുടെ പരാതിയില്‍ അന്യേഷണം തുടങ്ങിയ പൊലീസ് തൃശ്ശൂരില്‍ നിന്നാണ് ബാലകൃഷ്ണ സുധീറിനെ പിടികൂടിയത്. നിരവധി സാമ്പത്തിക തട്ടിപ്പ് കേസുകളില്‍ പ്രതിയാണ് സുധീറെന്ന് പൊലീസ് പറഞ്ഞു.
