പ്രധാനമന്ത്രി നരേന്ദ്ര മോദി മാർച്ച് രണ്ടിനു ബിഹാർ സന്ദർശിക്കും. ബേഗുസരായി, ഔറംഗബാദ് ജില്ലകൾ സന്ദർശിക്കുന്ന മോദി വിവിധ കേന്ദ്ര പദ്ധതികളുടെ ഉദ്ഘാടനം നിർവഹിക്കും. മുഖ്യമന്ത്രി നിതീഷ് കുമാർ എൻഡിഎയിലേക്കു മടങ്ങിയെത്തിയശേഷം ആദ്യമായാണ് മോദി ബിഹാറിലെത്തുന്നത്.
ജനതാദൾ (യു) സഖ്യം പുനഃസ്ഥാപിച്ചതോടെ ലോക്സഭാ തിരഞ്ഞെടുപ്പിൽ ബിഹാറിൽ വൻ നേട്ടമുണ്ടാക്കാമെന്ന പ്രതീക്ഷയിലാണ് ബിജെപി. കേന്ദ്ര ആഭ്യന്തര മന്ത്രി അമിത് ഷായും മാർച്ചിൽ ബിഹാർ സന്ദർശിക്കും.
