കൊല്ലം: കൊല്ലത്ത് പ്ലസ്ടു വിദ്യാര്ത്ഥിയെ നാട്ടുകാര് ആളുമാറി മര്ദ്ദിച്ച് രണ്ട് ദിവസം പിന്നിട്ടിട്ടും പ്രതികളെ പിടികൂടാതെ പൊലീസ്. വ്യാഴാഴ്ച രാത്രി പത്തരയ്ക്കാണ് അരിനെല്ലൂര് സ്വദേശി രഞ്ജിത്തിന് മര്ദ്ദനമേറ്റത്.
പഠിച്ച് കൊണ്ടിരിന്ന രഞ്ജിത്തിനെ ഒരു സംഘം വീട്ടില് നിന്ന് പിടിച്ച് പുറത്തിറക്കി. തലങ്ങും വിലങ്ങും മര്ദ്ദിച്ചു. അരിനെല്ലൂരിനടുത്ത് താമസിക്കുന്ന ഒരു പെണ്കുട്ടിയ ശല്യപ്പെടുത്തിയെന്ന് ആരോപിച്ചായിരുന്നു മര്ദ്ദനം. മര്ദ്ദിക്കാന് വന്നവര് പറയുന്ന പെണ്കുട്ടിയെ അറിയില്ലെന്ന് പല തവണ പറഞ്ഞെങ്കിലും മര്ദ്ദനം തുടരുകയായിരുന്നു.
മര്ദ്ദനത്തില് തലയ്ക്കും ഇടുപ്പിനും പരിക്കേറ്റിട്ടുണ്ട്. കൊല്ലം താലൂക്ക് ആശുപത്രിയില് വച്ച് ബോധരഹിതനായ രഞ്ജിത്തിനെ ഇപ്പോള് തിരുവനന്തപുരത്തെ സ്വകാര്യ ആശുപത്രിയിലെ തീവ്രപരിചരണ വിഭാഗത്തില് പ്രവേശിപ്പിച്ചിരിക്കുകയാണ്.
പൊലീസിന്റെ പ്രാഥമിക അന്വേഷണത്തില് രഞ്ജിത്ത് പെണ്കുട്ടിയെ ശല്യപ്പെടുത്തിയിട്ടില്ലെന്ന് തെളിഞ്ഞു. പ്രതികള് ഒളിവിലെന്നാണ് പൊലീസ് വിശദീകരണം