മലപ്പുറം: ബന്ധുനിയമന കേസില്‍ മന്ത്രി കെ ടി ജലീലിന്റെ രാജി ഗത്യന്തരമില്ലാതെയെന്ന് യൂത്ത് ലീഗ് ജനറല്‍ സെക്രട്ടറി പി കെ ഫിറോസ്. ഹൈക്കോടതിയില്‍ നിന്ന് സ്റ്റേ കിട്ടില്ലെന്ന് ഉറപ്പായതോടെയാണ് രാജി. ധാര്‍മികതയുടെ പേരില്‍ അല്ല രാജിയെന്നും രാജി വയ്ക്കുമ്പോഴും നുണ പറയാനാണ് ജലീല്‍ ശ്രമിക്കുന്നതെന്നും ഫിറോസ് പറഞ്ഞു.
മന്ത്രിയുടെ സ്വജനപക്ഷപാതത്തിനും അധികാരദുര്‍വിനിയോഗത്തിനും സത്യപ്രതിജ്ഞാ ലംഘനത്തിനും കൂട്ടുനിന്നത് മുഖ്യമന്ത്രി പിണറായി വിജയനാണ്. വിഷയത്തില്‍ വിജിലന്‍സ് അന്വേഷണം പ്രഖ്യാപിക്കാന്‍ മുഖ്യമന്ത്രിയെ ഫിറോസ് വെല്ലുവിളിക്കുകയും ചെയ്തു.
