തിരുവനന്തപുരം: രണ്ടാം പിണറായി സര്ക്കാരിന്റെ സത്യപ്രതിജ്ഞ തിരുവനന്തപുരത്ത് സെന്ട്രല് സ്റ്റേഡിയത്തില് 20ന് നടക്കും. പന്തലടക്കമുള്ള സൗകര്യങ്ങള് ഒരുക്കുന്നതിന്റെ ഭാഗമായി പണികള് പുരോഗമിക്കുകയാണ് .
കൊവിഡ് പ്രോട്ടോകോള് നിലനില്ക്കുന്നതിനാല് അതനുസരിച്ച് തന്നെയാകും സത്യപ്രതിജ്ഞാ ചടങ്ങുകളും സംഘടിപ്പിക്കുന്നത്. 800 പേര്ക്ക് വേദിയിലേക്ക് പ്രവേശനം ഉണ്ടാകും എന്നാണ് ഇപ്പോള് അറിയിച്ചിട്ടുള്ളത്. മുന്കൂട്ടി അറിയിച്ചവര്ക്ക് മാത്രമായി ഇത് പരിമിതപ്പെടുത്തും. പൊതുജനങ്ങള്ക്ക് പ്രവേശനം അനുവദിക്കില്ല.
20-ന് സത്യപ്രതിജ്ഞ നിശ്ചയിച്ചതിനാല് 18- ഓട് കൂടിത്തന്നെ മന്ത്രിമാരുടേയും വകുപ്പുകളുടേയും കാര്യത്തില് വരെ ധാരണയാക്കി മുന്നോട്ട് പോകാനാണ് ഇടത് മുന്നണി ആലോചിക്കുന്നത്. ഇതിന്റെ ഭാഗമായി ഉഭയകക്ഷി ചര്ച്ചകളും പുരോഗമിക്കുകയാണ്.