തിരുവനന്തപുരം : കാസര്ഗോഡ് രണ്ടു യൂത്ത് കോണ്ഗ്രസ് പ്രവര്ത്തകര് കൊല്ലപ്പെട്ട സംഭവത്തില് കുറ്റവാളികള്ക്കെതിരെ ശക്തമായ നടപടി സ്വീകരിക്കുമെന്ന് മുഖ്യമന്ത്രി പിണറായി വിജയന്.
സംഭവം അത്യന്തം ദൗര്ഭാഗ്യകരമാണ്. ഊര്ജിതമായ അന്വേഷണം നടത്തി പ്രതികളെ മുഴുവന് എത്രയും വേഗം അറസ്റ്റുചെയ്യാന് സംസ്ഥാന പൊലീസ് മേധാവിക്ക് നിര്ദേശം നല്കിയതായും മുഖ്യമന്ത്രി വ്യക്തമാക്കി.
സംഭവത്തില് രണ്ട് പേര് ഇന്ന് കസ്റ്റഡിയിലായിരുന്നു. ഇവരെ ചോദ്യം ചെയ്ത് വരികയാണെന്ന് പൊലീസ് അറിയിച്ചു. രണ്ട് ബൈക്കുകളും കസ്റ്റഡിയിലെടുത്തിട്ടുണ്ട്. അന്വേഷണസംഘത്തില് ക്രൈംബ്രാഞ്ചിനെ ഉള്പ്പെടുത്തി വിപുലീകരിച്ചുവെന്നും പൊലീസ് അറിയിച്ചു.
പ്രതികളെ പിടികൂടാന് ഡിജിപി കര്ണാടക പൊലീസിന്റെ സഹായം തേടിയിട്ടുണ്ട്. കേസില് കര്ണാടക പൂര്ണസഹായം വാഗ്ദാനം ചെയ്തതായി പൊലീസ് വ്യക്തമാക്കിയിട്ടുണ്ട്.