കൊച്ചി: എറണാകുളം മഹാരാജാസ് കോളേജില് നിന്ന് മാരകായുധങ്ങള് കണ്ടെടുത്തിട്ടില്ലെന്ന് മുഖ്യമന്ത്രി പിണറായി വിജയന്. പി.ടി.തോമസ് എംഎല്എയുടെ അടിയന്തര പ്രമേയത്തിന് മറുപടിയായാണ് മുഖ്യമന്ത്രി ഇക്കാര്യം വ്യക്തമാക്കിയത്.
വാര്ക്ക കമ്പി, പലകകഷ്ണം, വെട്ടുകത്തി, തുണി, ചുറ്റിയ, പൈപ്പ് എന്നിവയാണ് കണ്ടെത്തിയത്. ഇത് ആരാണ് ഇവിടെ കൊണ്ടുവന്നതെന്ന് അന്വേഷണം നടന്നുവരികയാണ്. ഇത്തരം ആരോപണങ്ങള് ഉന്നയിച്ച് സംസ്ഥാനത്തെ പ്രശസ്തമായ കോളേജിനെ മോശമാക്കി കാണിക്കാന് ശ്രമിക്കരുതെന്നും മുഖ്യമന്ത്രി പറഞ്ഞു.
ഈ വിഷയം അടിയന്തര പ്രമേയമായി അവതരിപ്പിക്കേണ്ട കാര്യമില്ലായിരുന്നുവെന്നും മുഖ്യമന്ത്രി കൂട്ടിച്ചേര്ത്തു. വിഷയത്തില് അടിയന്തര പ്രമേയത്തിന്റെ ആവശ്യമുണ്ടായിരുന്നോ എന്നും സബ്മിഷന് പോരായിരുന്നോ എന്ന് സ്പീക്കറും ചോദിച്ചു.