കാശ്മീർ : ജമ്മു കശ്മീരിൽ സൈനിക ഹെലികോപ്റ്റർ തകർന്ന് ഒരു പൈലറ്റ് മരിച്ചു. ഒരാൾക്ക് ഗുരുതര പരുക്കേറ്റു. കശ്മീരിലെ കഠുവ ജില്ലയിലെ ലഖാൻപൂരിലാണ് ഹെലികോപ്റ്റർ തകർന്നുവീണത്. ഇന്ന് വൈകീട്ട് ഏഴേ കാലോടെയാണ് സംഭവം. എച്ച്എൽഎൽ ധ്രുവ് ഹെലികോപ്ടറാണ് അപകടത്തിൽപ്പെട്ടത്.
പരുക്കേറ്റവരെ ഉടൻ തന്നെ ആശുപത്രിയിൽ എത്തിച്ചെങ്കിലും ഒരാൾ മരിച്ചു. അപകടകാരണം ഉൾപ്പെടെയുള്ള കൂടുതൽ വിവരങ്ങൾ വ്യക്തമായിട്ടില്ല.