തിരുവനന്തപുരം: സംസ്ഥാനത്ത് പെട്രോള് വില 90 കടന്നു. പെട്രോളിന് 29 പൈസയും ഡീസലിന് 36 പൈസയും വര്ധിച്ചു. തുടര്ച്ചയായ അഞ്ചാം ദിവസമാണ് ഇന്ധനവില വര്ധിപ്പിക്കുന്നത്. തിരുവനന്തപുരം നഗരത്തില് പെട്രോളിന് 90.02 രൂപയും ഡീസലിന് 84.28 രൂപയുമായി. കൊച്ചിയില് പെട്രോളിന് 88.39 രൂപയും ഡീസല് 82.76 രൂപയുമായി ഉയര്ന്നിട്ടുണ്ട്.
കോവിഡ് വാക്സീന് വിതരണം തുടങ്ങിയതോടെ ആഗോള സമ്പദ്വ്യവസ്ഥ തിരിച്ചുവരുമെന്ന പ്രതീക്ഷയില് രാജ്യാന്തര വിപണിയില് ക്രൂഡ് വില 60 ഡോളറിന് മുകളില് തുടരുകയാണ്. 83 ദിവസത്തെ ഇടവേളയ്ക്കു ശേഷം കഴിഞ്ഞ ജൂൺ 6നാണ് ഇന്ത്യയില് എണ്ണക്കമ്പനികൾ ഇന്ധനവില വർധിപ്പിച്ചു തുടങ്ങിയത്. ജൂണ് 25നാണ് പെട്രോള് വില ലിറ്ററിന് 80 രൂപ കടന്നത്.